مسابقات والیبال پوهنتون بامیان آغاز گردید.
Event dates
Event dates -
مسابقات والیبال سمستر بهاری پوهنځیهای پوهنتون بامیان امروز شنبه مؤرخ ۱۶/ ۴/ ۱۴۰۳ هـ.ش رسماََ آغاز گردید. در محفل افتتاحيه این مسابقات که در صحن پوهنتون و میدان والیبال برگزار گردیده بود، پوهنمل عیدمحمد محمدی معاون امور محصلان، شماری از روسای پوهنځیها، اساتید، کارمندان اداری و محصلان شرکت ورزیده بودند.
محفلِ یاد شده با تلاوت آیات از کلام الله مجید آغاز شده، سپس پوهنمل عیدمحمد محمدی معاون امور محصلان ضمن عرض خوشآمدید به اشتراک کنندگان، در رابطه به چگونگی برگزاری مسابقات صحبت کرده و راهاندازی این مسابقات را بخاطر ایجاد فضای صمیمت و همدلی در میان محصلان مهم یاد کردند.
موصوف در مورد تعداد تیمهای تشکیل شده در سطح پوهنتون صحبت کرده افزود: در مجموع ۸ تیم در پوهنتون تشکیل شده، ۷ تیم از ۷ پوهنحُی و یک تیم از جمع اساتید و کارمندان اداری انتخاب و در بین هم به مسابقه میپردازند.
وی با آنکه در مورد اهمیت ورزش صحبت نموده، همچنان یادآور شد که مسابقات به طور حذفی برگزار میگردد و تمام محصلان مکلف به رعایت اصول و مقررات بازی و مسابقه میباشند.
قابل یادآوریست، پس از محفل افتتاحيه به اساس قرعهکشی که صورت گرفته بود پوهنځی تعلیم و تربیه با پوهنځی زراعت به مسابقه پرداخته و در روز اول و مسابقهٔ اول پوهنځی زراعت بر پوهنځی تعلیم و تربیه غالب گردید. تیم سایر پوهنحُیها نیز باالنوبت در روزهای آینده به مسابقه میپردازند.
