په بامیان پوهنتون کې د علمي کنفرانس ترسره کېدل!

نن چهارشنبه د ۱۴۴۶ هـ ق کال د رجب میاشتې لومړۍ نېټه بامیان پوهنتون د څلور تنه استادانو د علمي کنفرانس کوربه وو.
دغه علمي کنفرانس چې د مسلکي پراختیا مرکز آمریت په مرسته د دغه آمریت د کنفرانسونو په تالار کې ترسره شو، د علمي کادر غړو، ژوري هیئت، او استادانو ګډون درلود.
 د یادونې وړ ده چې په دې کنفرانس کې استادانو د علمي رتبو د اخیستلو په خاطر خپل علمي اثار او مقالې د ژوري هیئت په حضور کې وړاندې کړې.
په دغه علمي ناسته کې د مقالو په وړاندې کولو سره د علم او پوهې اهمیت او مسلکي پراختیا په اړه بحث وشو. 
بامیان پوهنتون 
نشراتو عمومي مدیریت