د بامیان پوهنتون د اداري کارکوونکو لپاره د ښوونیز مدیریت ورکشاپ پای ته ورسېد!
چهارشنبه ۱۴۴۷/۱/۲۰ هـ ق
د بامیان پوهنتون اداري کارکوونکو لپاره د "ښوونیز مدیریت" تخصصي ورکشاپ چې څو ورځې مخکې د مسلکي پراختیا آمریت له لوري پیل شوی وو نن د یوې اختتامیه غونډې په ترڅ کې پای ته ورسېد.
یاد ورکشاپ د دې لپاره جوړ شوی و چې د اداري او مدیريتي ظرفیتونو په لوړولو کې مرسته وکړي.
د اختتامیه غونډې په مراسمو کې د بامیان پوهنتون عمومي رئیس الحاج مفتی حضرت محمد برهاني د خپلو مرستیالانو سره یو ځای ګډون کړی وو.
دغه راز ښاغلي برهاني په خپلو خبرو کې د اداري کارکوونکو لپاره پر دوامداره زده کړو ټینګار وکړ او دا ډول پروګرامونه یې د پوهنتون د اداري چارو د لا ښه والي لپاره ګټور وبلل.
همدارنګه د پروګرام په پای کې ګډونوالو ته د تصدیقنامو ویش ترسره شو.
یاد ورکشاپ د بامیان پوهنتون د پرمختیایي پروګرامونو یوه برخه وه چې موخه یې د تعلیمي او اداري خدمتونو ښهوالی دی.
بامیان پوهنتون
نشراتو عمومي مدیریت
