د میدان وردګ والي او متنفذانو د لوړو زده کړو له وزیر سره وکتل

bu_admin
پنجشنبه ۱۳۹۹/۱۰/۲۵ - ۱۱:۵۷
د میدان وردګ والي او متنفذانو د لوړو زده کړو له وزیر سره وکتل

د وردګو ولایت والي عبدالرحمن طارق،د ولایتي شورا رئيس اخترمحمد طاهري، وردګ د لوړو زده کړو موسسې رئيس مسعود حسن زي ، په ولسي جرګه کې د خلکو استازي محمد نعیم وردګ ،ډاکتر عبیدالله کلیمزي , د ازموینو د ملي ادارې رییس پوهاند عبدالقدیر خموش او ددې ولایت یو شمير متنفذینو په خپل وار سره خپلې طرحې، وړاندیزونه او ستونزې د لوړوزده کړو د دودیدو د څرنګوالي او د وردګو د لوړو زده کړو موسسې د محتوا او جوړښت پرمختیا په اړه خپلې غوښتنې له لوړو زده کړو وزیر سره شریکې کړې.

د دې ولایت والي عبدالرحمن طارق د وردګ د لوړو زده کړو موسسې د پرمختیګ د اړتیا د بحث ترڅنګ او د وردګو لوړو زده کړو موسسې ته پاملرنه، د احاطوي دیوال نشتوالي، د تدریسي ودانۍ دنشتوالي ستونزې ، په اداري او علمي برخو کې د بشري ځواک کمښت جدي ننګونې وبللې چې باید توجه ورته وشي.

وروسته د لوړو زده کړو وزیر ډاکتر عباس بصیر، له والي او مل ټيم څخه يې د هغه ولایت د لوړو زده کړو موسسې د ستونزو د شریکولو او د لوړو زده کړو وزارت د تحصیلي پروګرامونو څخه د دوی د ملاتړ له امله مننه وکړه، ټينګار يې وکړ، لوړو زده کړو وزارت دعلمي بنسټونو اړتیاوو ته پاملرنه او د دوی د ستونزو رفع کول خپل مسئولیت بولي، چې د خلکو ملاتړ يې موخې ته د رسیدا په منظور لاره لنډوي.

ډاکتر عباس بصیر، د ولایتونو او مرکز په کچه د لوړو زده کړو وزارت د پراختیايي پروګرامونود تشریح کولوپه ترڅ کې وویل: په ملي او ولایتي کچه د علمي بنسټونو پراختیا، په علمي بنسټونو کې د علم او ټکنالوژۍ زیاتوالی، د دې وزارت هغه برنامې دي چې په لومړي ګام کې به د هېواد په ټولو دولتي پوهنتونونو کې ورته پام وشي.

ډاکترعباس بصیر د والي او متنفذینو د وړاندیزونو په ځواب کې چې د نویو پوهنځیو او څانګو د زیاتوالي غوښتنه وه، د همکارۍ وعده وکړه , او دې هدف ته د رسیدلو په برخه کې یې د ریاست تضمین کیفیت د معیارونو په بشپړوالي یې تاکید وکړو.

د لوړو زده کړو وزیر هغوتحصیلي بنسټونو ته پاملرنه جدي اړتیا وبلله، چې کمه پراختیايې موندلې او ویې ویل، د زیربنايي پروژو د تطبیق په برخه کې به د ښار جوړونې او اراضۍ له وزارت سره په دې اړه همغږي وکړي او زیاته یی کړه چې د احاطې دیوال د لوړو زده کړو وزارت د پلانونو په سرکې قرار لري , چې ان شاالله په راتلونکې کال کې به تطبیق شي.

تازه خبرونه

پنجشنبه ۱۳۹۹/۱۰/۲۵ - ۱۱:۵۷
Background image

د میدان وردګ والي او متنفذانو د لوړو زده کړو له وزیر سره وکتل

د وردګو ولایت والي عبدالرحمن طارق،د ولایتي شورا رئيس اخترمحمد طاهري، وردګ د لوړو زده کړو موسسې رئيس مسعود حسن زي ، په ولسي جرګه کې د خلکو استازي محمد نعیم وردګ ،ډاکتر عبیدالله کلیمزي ,. . .

پنجشنبه ۱۳۹۹/۱۰/۲۵ - ۱۱:۳۲
Background image

۲۵ تنه افغان محصلين د برلين له تخنيکي پوهنتون څخه فارغ شول

معلوماتي تکنالوژۍ د څېړونکو تر منځ واټن له منځه وړې او د تعليمي نظام د فکر او علم د تولید په برخه کې د يوه علمي انقلاب لامل شوې ده. دغه مطلب د لوړو زده کړو وزير ډاکټر عباس بصير د برلين. . .

پنجشنبه ۱۳۹۹/۱۰/۲۵ - ۱۱:۲۳
Background image

لوړو زده کړو وزارت علمي معین کندهار ولایت ته په یو کاري سفر کې د یاد ولایت له والي سره وکتل

په دغه کتنه کې د لوړو زده وزارت علمي معین پوهنمل عبدالتواب بالاکرزي په داسې حال کې چې د لوړو زده کړو د علمي پراختیا رییس او د علمي معینیت سلاکار هم شتون درلود، د کندهار نوي والي په توګه. . .

BACK TO NEWS