د بامیان پوهنتون محصلانو چارو مرستیال په مشرۍ غونډه ترسره شوه
نن یکشنبه د ۱۴۴۶هـ ق کال د ذی القعدې میاشتې شپږمه نېټه د بامیان پوهنتون محصلانو چارو مرستیال مولوي مصطفی ابوسعید د پوهنتون له ورزشي کمېټې سره پخپل دفتر کې ناسته وکړه.
ددغې ناستې هدف د پوهنتون د ورزشي فعالیتونو ارزونه، د ستونزو څېړنه، او د ورزش د پرمختګ لپاره د عملي پلان جوړول وو.
ښاغلي ابو سعید په خپلو خبرو کې د ورزش پر ارزښت او د محصلانو پر فزیکي او رواني روغتیا یې د مثبتو اغېزو یادونه وکړه او ډاډ یې ورکړ چې د پوهنتون مشرتابه له ورزشي هڅو بشپړ ملاتړ کوي.
د غونډې په پای کې پرېکړه وشوه چې د ورزشي فعالیتونو د ښه والي لپاره یو مشخص پلان جوړ شي او اړوند وړاندیزونه د پوهنتون مشرتابه او د بامیان ولایت د بدني روزنې او سپورت آمریت ته وړاندې شي ترڅو په یاده شوې برخه کې لازمه همکاري ترسره کړي.
بامیان پوهنتون
نشراتو عمومي مدیریت
