د بامیان پوهنتون په مالي او اداري برخه کې نوی بدلون
بامیان–دوشنبه۱۴۴۶/۱۱/۲۱هـ ق
د بامیان پوهنتون د مالي او اداري چارو لپاره نوی مرستیال ښاغلی غلام صدیق دانش د یوه رسمي مراسمو په ترڅ کې معرفي او په دنده یې پیل وکړ.
په دې مناسبت د پوهنتون د ریاست په تالار کې یوه غونډه جوړه شوه چې پکې د پوهنتون عمومي رئیس، اداري کارکوونکو او استادانو ګډون کړی وو.
د غونډې ګډونوالو د ښاغلي حکیمي د تېرو خدمتونو ستاینه وکړه او ښاغلي دانش ته یې د نوې دندې د پیل مبارکي وویله.
د بامیان پوهنتون عمومي رئیس الحاج مفتي حضرت محمد برهاني په خپله وینا کې وویل: "ښاغلی غلام صدیق دانش یو تجربهلرونکی او مسلکي شخصیت دی او موږ باور لرو چې د پوهنتون د مالي او اداري چارو د لا ښه تنظیم په برخه کې به مهم رول ولوبوي."
ښاغلي دانش هم د وینا پر مهال ژمنه وکړه چې د شفافیت حساب ورکونې او ښه اداري اصلونه به په پوره ژمنتیا مراعات کړي او هڅه به وکړي چې د پوهنتون اداري چارو ته لا نورې اسانتیاوې برابرې کړي.
د یادونې وړ ده عبدالجلیل حکیمي چې تر دې دمه یې د یادې دندې چارې مخته وړلې د پوهنتون د مشرتابه همکارانو او محصلینو له ملاتړه مننه وکړه او هیله یې وښوده چې د پوهنتون پرمختګ ته به همداسې دوام ورکړل شي.
بامیان پوهنتون
نشراتو عمومي مدیریت