د بامیان پوهنتون لومړنی پوهاند!
نن چهارشنبه نېټه۱۴۴۶/۵/۲۵هـ ق کال د بامیان پوهنتون د ښوونې او روزنې پوهنځي رئیس پوهاند دوکتور بازمحمد فروغ او یو شمېر استادانو د تحصیلي درجو اوعلمي ترفېع ستاین غونډه.
په دغه مراسمو کې چې د ښوونې او روزنې پوهنځي استادانو د علمي لاسته راوړنو د ستاینې په موخه د علم کور په تالار کې جوړشوي وو، د پوهنتون علمي چارو مرستیال، د پوهنځیو رئیسانو، استادانو او محصلینو حضور درلود.
پروګرام د قرآن عظیم الشان د څو مبارکو آیتونو په تلاوت سره پیل شو.
په پیل کې د پوهنتون علمي چارو مرستیال پوهنمل محمد عثمان څولیزی د بامیان پوهنتون اولین پوهاند په توګه د پوهاند دوکتورباز محمد فروغ علمي ترفیع او له ماسټرۍ څخه نوو راغلو استادانو ته مبارکي وویله، او ددغه پوهنتون له دا ډول علمي لاسته راوړنو یې خوښي څرګنده کړه.
د یادلو وړ ده چې پوهاند دوکتور بازمحمد فروغ د ایران اسلامي جمهوریت د شیراز دولتي پوهنتون څخه د ښوونیز مدیریت په برخه کې د دوکتورا سند ترلاسه کړی، او د هیواد په کچه د ښوونیز مدیریت په برخه کې لومړنی پوهاند شو.
د پروګرام په دوام کې هغو استادانو ته چې په هیواد کې دننه او بهر یې د دوکتورا او ماسټرۍ سندونه ترلاسه کړي دي ، په ډالیو او ستاینلیکونو ونازول شول.
بامیان پوهنتون
نشراتو عمومي مدیریت