د بامیان پوهنتون علمي چارو نوي مرستیال د عمومي کتابتون او ځینو پوهنځیو څخه لیدنه وکړه
نن شنبه د ۱۴۴۶هـ ق کال د ذوالحجې میاشتې ۴مه نېټه د بامیان پوهنتون علمي چارو نوي مرستیال پوهنوال مفتی احسانالحق نیازي د خپلې دندې له پیل وروسته د پوهنتون اړوندو برخو له نږدې ارزونه پیل کړه.
نوموړي د اقتصاد او ځمکپیژندنې پوهنځیو تر څنګ د پوهنتون له عمومي کتابتون څخه هم لیدنه وکړه.
د دې لیدنو پر مهال ښاغلي نیازی د یادو پوهنځیو له استادانو اداري کارکوونکو او محصلینو سره جلا جلا ناستې ترسره کړې او د تعلیمي بهیر اداري نظم درسي منابعو او موجوده ستونزو په اړه لازم معلومات واخیستل او د بهتریا لپاره یې مشخصې سپارښتنې وکړې.
په کتابتون کې د لیدنې پر مهال د کتابونو تنظیم د مطالعې چاپېریال او د نوو علمي منابعو د اړتیاوو په برخه کې د محصلینو نظرونه واورېدل شول.
ښاغلي نیازي وویل: "د بامیان پوهنتون د علمي کیفیت لوړتیا زموږ لومړیتوب دی هڅه کوو چې د محصلینو او استادانو لپاره یو منظم معیاري او متحرک علمي چاپېریال برابر کړو."
یادې لیدنې د پوهنتون د رهبرۍ ژمنتیا ښيي چې غواړي د تدریسي اداري او خدماتي چارو پیاوړتیا ته جدي پاملرنه وکړي.
بامیان پوهنتون
نشراتو عمومي مدیریت
