د بامیان پوهنتون د داخلي تفتیش کمېټې غونډه ترسره شوه!
سهشنبه ۱۴۴۷/۱/۵هـ ق
د بامیان پوهنتون د داخلي تفتیش کمېټې کلنۍ غونډه د بامیان پوهنتون د عمومي رئیس الحاج مفتي حضرت محمد برهاني په مشرۍ د علمي چارو د معاونیت په تالار کې ترسره شوه.
په دې ناسته کې د پوهنتون مرستیالانو، پوهنځیو رئیسانو او د داخلي تفتیش کمېټې یو شمېر غړو ګډون کړی وو.
د غونډې اساسي موخه د داخلي تفتیش کمېټې د تېر کال د فعالیتونو او موندنو راپور وړاندې کول وو.
د پوهنتون عمومي رئیس په خپلو خبرو کې د ادارې او علمي چارو په بهیر کې د شفافیت، حسابورکونې او دقیق نظارت پر ارزښت ټینګار وکړ او له اداري او علمي کارکوونکو څخه یې وغوښتل چې د تفتیش له کمېټې سره هر اړخیزه همکاري وکړي.
د غونډې په پای کې د یادې کمېټې کلنی کاري پلان تر بحث او ارزونې لاندې ونیول شوو.
بامیان پوهنتون
نشراتو عمومي مدیریت