د بامیان پوهنتون د تقرر، انفکاک او ترفېعاتو غونډه ترسره شوه.

نن دوشنبه ۱۴۴۶/۵/۹ هـ ق نېټه د بامیان پوهنتون د تقرر، انفکاک او ترفیعاتو غونډه د علمي چارو مرستیال پوهنمل محمد عثمان څولیزي په مشرۍ د علمي چارو معاونیت کې ترسره شوه . 
غونډه د قرآن عظیم الشان د څو مبارکو آیتونو په تلاوت سره پیل شوه . 
په غونډه کې د درې تنه استادانو د ترفیع دوسیې د غونډې ګډونوالو له لوري تر کتلو او ارزولو وروسته د تائید رایې واخیستې. 
هېره دې نه وي چې شیرعلي صمیمي د پوهندوی علمي رتبې څخه پوهنوال علمي رتبې ته ، غلام حضرت غلامي د پوهنمل علمي رتبې څخه پوهندوی علمي رتبې ته او ضیاء روشنګر د پوهنیار علمي رتبې څخه پوهنمل علمي رتبې ته ارتقا‌ء وکړه او د غونډې د غړو له لوري تائید شول. 
غونډه ددعائیې په ویلو سره پای ته ورسېده . 
بامیان پوهنتون 
نشراتو عمومي مدیریت