د بامیان پوهنتون استادانو لپاره د ځانګړي درې ورځني ورکشاپ جوړېدل!
نن دوشنبه، د ۱۴۴۶ هجري قمري کال د رجب المرجب په ۲۶ نېټه، د بامیان پوهنتون د استادانو لپاره ځانګړی درې ورځنی ورکشاپ د "لتکس" په نوم د مسلکي پراختیا آمریت لخوا ترسره شو. په دې پروګرام کې د بامیان پوهنتون عمومي رئیس الحاج مفتی حضرت محمد برهاني او د پوهنتون مرستیالانو ګډون درلود.
په دې پروګرام کې د بامیان پوهنتون رئیس په خپله وینا کې د استادانو د علمي او فني مهارتونو د لوړولو په برخه کې د تخصصي سافټویرونو کارولو اهمیت یادونه وکړه. همداراز یې د مسلکي پراختیا آمریت څخه د دې ورکشاپ د تنظیم په برخه کې مننه وکړه.
دا پروګرام د بریاليو ترېنرانو، پوهنمل دوکتور سید قاسم علوي، پوهنمل دوکتور محمد عیسی نظري او پوهنیار امان الله نبوي لخوا وړاندې کېږي. د دې ورکشاپ هدف د استادانو علمي او عملي توانایي په تدریس او څیړنه کې پیاوړې کول دي.
بامیان پوهنتون
نشراتو عمومي مدیریت
