په بامیان پوهنتون کې د تضمین کیفیت کمیټې ناسته!
نن چهارشنبه د ۱۴۴۶ هـ ق کال د ذوالحجه میاشتې ۲۲ مه نیټه
د بامیان پوهنتون د تضمین کیفیت کمیټه د پوهنتون د علمي چارو مرستیال پوهنوال دوکتور احسان الحق نیازي او تضمین کیفیت کمیټې د غړو په ګډون جوړه شوه.
په دې ناسته کې چې موخه یې د تضمین کیفیت آمریت د فعالیتونو ارزونه او د ننګونو او لاسته راوړنو څېړل وو د تضمین کیفیت معیارونو کې د تازه بدلونونو او نوي جوړښتونو په اړه مهم ټکي مطرح شول او بحث پرې وشو.
د کمېټې غړو د لوړو زده کړو وزارت رهبرۍ د نوو پرېکړو په اړه هم مفصلې خبرې وکړې او ټینګار یې وکړ چې بامیان پوهنتون باید خپلې هلې ځلې د دې پرېکړو په عملي کولو کې زیاتې کړي.
د ناستې په پای کې د تضمین کیفیت آمریت د فعالیت د ښه والي او د وزارت د پروګرامونو سره د همغږۍ د لوړولو لپاره مشخصې لارې چارې وړاندې شوې.
د پوهنتون د علمي چارو مرستیال په پوهنتون کې د تضمین کیفیت رول او اهمیت ته په اشارې د کمیټې د غړو د هڅو ستاینه وکړه او د دې ډول ناستو د دوام ټینګار یې وکړ.
بامیان پوهنتون
نشراتو عمومي مدیریت