د بامیان پوهنتون د حیواني علومو د څانګې محصلانو ته یو ورځنی تریننګ ترسره شو
ورځ یکشنبه د ۱۴۴۶/۱۱/۲۰ هـ ق نېټه د بامیان پوهنتون د زراعت پوهنځي د حیواني علومو د څانګې محصلانو لپاره د لبنیاتو د پروسس په برخه کې یو ورځنی تریننګ جوړ شو.
دغه تریننګ د ډاکتر جمال بای لهخوا چې د لبنیاتو د پروسس متخصص او د آغاخان مؤسسې پخوانی کارمند دی تنظیم او تدریس شو.
په یاد تریننګ کې محصلینو د شیدو، مستو، چکې او نورو لبني تولیداتو د ساینسي او معیاري پروسس له طریقو سره بلد شول.
د دې برنامې هدف د محصلانو عملي وړتیاوو لوړول او هغوی د کار بازار ته ښه چمتو کول ښودل شوي دي.
د برنامې په پای کې د زراعت پوهنځي ریاست له لوري ډاکتر جمال بای ته د هغه د هڅو او همکارۍ مننې په پار ستاینلیک چمتو کړ چې د بامیان پوهنتون عمومي رئیس الحاج مفتي حضرت محمد برهاني په لاس ورته وسپارل شو.
ښاغلي برهاني د عملي زدهکړو پر ارزښت ټینګار وکړ او د دې ډول پروګرامونو پوره ملاتړ یې اعلان کړ.
بامیان پوهنتون تل هڅه کوي چې د تجربو لرونکو متخصصینو په مرسته محصلینو ته د عملي زدهکړو زمینه برابره کړي.
بامیان پوهنتون
نشراتو عمومي مدیریت