د بامیان پوهنتون علمي شورا نوبتي غونډه!
نن چهارشنبه، د ۱۴۴۶ هـ.ق کال د رجب المرجب میاشتې پینځلسمه نېټه، د بامیان پوهنتون د علمي شورا نوبتي غونډه د دې پوهنتون د عمومي رئیس الحاج مفتي حضرت محمد برهاني په مشرۍ د علمي چارو معاونیت په تالار کې ترسره شوه.
دغه غونډه د قرآن عظیم الشان د څو مبارکو آیتونو په تلاوت سره پیل شوه.
په دې غونډه کې چې د پوهنتون مرستیالانو او د پوهنځیو رئیسانو هم حضور درلود، د تعلیمي کیفیت ښه والی، د څیړنیزو فعالیتونو پراختیا او د محصلینو لپاره د علمي او هوسایني خدماتو لوړول د بحث او څېړنې لاندې ونیول شول. همدارنګه د پوهنتون او پوهنځیو د تعلیمي او څېړنیزو سیستمونو د پیاوړتیا لپاره اړینې پرېکړې ونیول شوې.
بامیان پوهنتون د دې غونډو په ترڅ کې هڅه کوي چې د محصلینو لپاره ښه شرایط برابر کړي او په ټولنیز او علمي پرمختګ کې مهم ګامونه پورته کړي.
بامیان پوهنتون
نشراتو عمومي مدیریت