د بامیان پوهنتون د علمي شورا ناسته ترسره شوه.
نن چهارشنبه د ۱۴۴۶هـ ق کال د ذوالقعدې میاشتې ۲۳نېټه
د بامیان پوهنتون علمي شورا خپله فوقالعاده ناسته د پوهنتون د عمومي رئیس الحاج مفتي حضرت محمد برهاني په مشرۍ ترسره کړه.
په یاده ناسته کې د پوهنتون مرستیالانو د بېلابېلو پوهنځیو رئیسانو او د علمي شورا غړو ګډون درلود.
ناسته د قرآن کریم د څو مبارکو آیتونو په تلاوت پیل شوه.
ورپسې د پوهنتون عمومي رئیس ښاغلي برهاني د ناستې اهمیت ته په اشارې سره د استادانو د علمي آثارو ارزونې او د پوهنتون د علمي پرمختګ په برخه کې د روانو هڅو ارزونه وکړه.
د ناستې عمده اجنډا د استادانو د تألیفي او تحقیقي آثارو څېړنه وه.
همداراز د ادارې ځینې متفرقه موضوعات هم د بحث لاندې ونیول شول او اړوند پرېکړې وشوې.
بامیان پوهنتون
نشراتو عمومي مدیریت