د بامیان پوهنتون کې د ملي کنفرانس لپاره د مناسبو عنوانونو د ټاکلو غونډه ترسره شوه
نن یکشنبه د۱۴۴۶ هـ ق کال د رمضان المبارک میاشتې۲۳مه نېټه په بامیان پوهنتون کې د ملي کنفرانس لپاره د مناسبو عنوانونو ټاکلو په اړه غونډه جوړه شوه. په دې ناسته کې د بامیان پوهنتون عمومي رئیس الحاج مفتی حضرت محمد برهاني د علمي شورا غړو، پوهنځیو رئیسانو او مسئولینو ګډون درلود.
په دې غونډه کې څو وړاندیز شوي عنوانونه وڅېړل شول چې دوه موضوعګانو د تایید رایې واخیستې او انتخاب شول:
۱. دبامیان تمدن، کلتور او د هغې رول د افغانستان په پراختیا کې
۲. د افغانستان بانکدارۍ سیستم او ډیجیټل اقتصاد.
حاضرینو دغه موضوعات د هیواد په پرمختګ، علمي او تاریخي لحاظ اغیزمن و ارزول.
د یادولو وړ ده چې دغه موضوعات د وروستي تایید لپاره د لوړو زده کړو وزارت د څېړنې تألیف او ترجمې ریاست ته به ولېږل شي.
بامیان پوهنتون
نشراتو عمومي مدیریت
