د بامیان پوهنتون کرنې پوهنځي محصلینو لخوا د پسونو معاینې او درملنې عملي پروګرام ترسره شو

bu_admin
سه‌شنبه ۱۴۰۴/۲/۲۳ - ۱۵:۱۶
Bamyan

نن د سه‌شنبې ورځ د ۱۴۴۶هـ ق کال د ذوالقعدې میاشتې ۱۵مه نېټه د بامیان پوهنتون کرنې پوهنځي د حیواني علومو څانګې محصلینو د استاد پوهنیار محمد نسیم میاخېل او پوهنیار عصمت‌الله اکبري په مشرۍ په یوه کليوالي سیمه کې د پسونو معاینه د آفت ضد درملو تطبیق او تغذیوي پروګرام عملي کړ.
دغه علمي فعالیت د بامیان پوهنتون د عمومي رئیس الحاج مفتي حضرت محمد برهاني، د محصلانو چارو مرستیال مولوي مصطفی خان ابوسعید او د کرنې پوهنځي رئیس پوهندوی دولت شاه پویش په حضور کې ترسره شو. 
د پوهنتون مسؤلینو وویل چې د دې پروګرام هدف د محصلینو د عملي مهارتونو پیاوړتیا او د حیواني صحت د ښه والي له لارې د ټولنې خدمت دی.
د پروګرام پر مهال د حیواني علومو څانګې یو ټیم چې محصلین پکې شامل وو د تخصصي تجهیزاتو او درملو په وسیله لسګونه پسونه معاینه او درملنه یې وکړه. 
دا فعالیت نه یوازې محصلینو ته د عملي زده کړو ښه فرصت برابر کړ بلکې د سیمې د مالدارانو له خوا یې هم تود هرکلی وشو.
پوهنیار محمد نسیم میاخېل چې د پروګرام له لارښود استادانو څخه دی وویل: عملي زده کړه د کرنې او حیواني علومو د متخصصینو د روزنې نه بېلېدونکې برخه ده او بامیان پوهنتون هڅه کوي چې د داسې پروګرامونو له لارې د نظري زده کړو او د ټولنې د واقعي اړتیاوو ترمنځ واټن راکم کړي.
له بلې خوا مفتي حضرت محمد برهاني هم په یوه لنډه وینا کې د استادانو او محصلینو هڅې وستایلې او ویې ویل چې د علمي او عملي خدماتو ترویج او د پوهنتون او ټولنې ترمنځ تعامل خورا مهم دي.
بامیان پوهنتون
نشراتو عمومي مدیریت

تازه خبرونه

سه‌شنبه ۱۴۰۴/۴/۳۱ - ۹:۱۵
Background image

د باميانو پوهنتون د علمي شورا نوبتي غونډه ترسره شوه!

نن دوشنبه د ۱۴۴۷هـ ق کال د محرم الحرام د مياشتې ۲۵مه نېټه د باميان پوهنتون د علمي شورا نوبتي غونډه د دې پوهنتون د عمومي رئیس الحاج مفتي حضرت محمد برهاني په مشرۍ د علمي چارو د معاونيت په. . .

سه‌شنبه ۱۴۰۴/۴/۳۱ - ۹:۱۳
Background image

د کرنې پوهنځي له علمي لاسته‌راوړنو څخه د بامیان پوهنتون عمومي رئیس لیدنه!

دوشنبه ۱۴۴۷/۱/۲۵هـ ق
د بامیان پوهنتون عمومي رئیس الحاج مفتي حضرت محمد برهاني د خپلو مرستیالانو په ملتیا د دغه پوهنتون د کرنې پوهنځي له نويو علمي لاسته‌راوړنو څخه لیدنه وکړه.
په دې لیدنه. . .

سه‌شنبه ۱۴۰۴/۴/۳۱ - ۹:۱۰
Background image

د بامیان پوهنتون د تقرر او ترفیعاتو نوبتي غونډه ترسره شوه!

شنبه ۱۴۴۷/۱/۲۳ هـ ق
نن د بامیان پوهنتون د تقرر او ترفیعاتو نوبتي غونډه د بامیان پوهنتون علمي چارو مرستیال پوهنوال ډاکټر احسان‌الحق نیازي په مشرۍ د دې معاونیت د غونډو په تالار کې جوړه. . .

BACK TO NEWS