د بامیان پوهنتون ستراتیژیک پلان غونډه!
نن چهارشنبه، د ۱۴۴۶ هـ.ق کال د رجب المرجب د میاشتې ۸مه، د بامیان پوهنتون د ستراتیژیک پلان غونډه د دې پوهنتون د عمومي رئیس الحاج مفتي حضرت محمد برهاني تر څار لاندې ترسره شوه. په دې غونډه کې چې د پوهنتون مرستیالانو او پوهنځیو د رئیسانو په ګډون جوړه شوې وه، د پوهنتون د ستراتیژیکو موخو او پروګرامونو په اړه د مدیریت د ښه والي او علمي پرمختګ په موخه بحث او د نظرونو تبادله وشوه. دغه ناسته د پوهنځیو د رئیسانو د وړاندیزونو او نظریاتو په وړاندې کولو سره د پلان جوړونې او اغېزناک تطبیق د ښه والي په موخه پای ته ورسېده.
بامیان پوهنتون
نشراتو عمومي مدیریت