د بامیان پوهنتون د ارشاد او دعوت کمیټې ناسته!
نن دوشنبې د۱۴۴۶هـ ق کال د ذوالقعدې میاشتې ۱۴مه نېټه
د بامیان پوهنتون د ارشاد او دعوت کمېټې ناسته د پوهنتون د عمومي رئیس الحاج مفتي حضرت محمد برهاني، مرستیالانو، استادانو او د ارشاد دعوت کمېټې غړو په حضور کې جوړه شوه.
په دې ناسته کې پر مهمو اخلاقي او روزنیزو مسایلو بحث وشو. د خبرو اصلي محور د استادانو، اداري کارکوونکو او محصلینو د سیرت او صورت ښهوالی، د شیوخو د درسونو ښه ترتیب او تنظیم او د شکایتونو ارزونه او رسېدنه وه.
ګډونوالو د سالم علمي او روزنیز چاپېریال په لوړولو کې د ارشاد دعوت آمریت په اغېزمن رول ټینګار وکړ او د کمېټې د کاري بهیر د ښهوالي په موخه پرېکړې وشوې.
بامیان پوهنتون
نشراتو عمومي مدیریت