په بامیان پوهنتون کې د تقرر او انفکاک غونډه ترسره شوه!
نن دوشنبه، د ۱۴۴۶ هـ.ق کال د رجب المرجب د میاشتې ۱۲مه نېټه، د بامیان پوهنتون د تقرر او انفکاک غونډه د پوهنتون د علمي چارو مرستیال، پوهنمل محمد عثمان څولیزي تر مشرۍ لاندې د علمي چارو معاونیت کې ترسره شوه.
په دې غونډه کې، د څو تنو استادانو د علمي رتبو د ترلاسه کولو لپاره مقالې او علمي آثار وڅېړل شول، او اړوند پرېکړې د دې برخې په اړه نهایي شوې.
د دې غونډې هدف د پوهنتون د علمي پرمختګ او پیاوړتیا لپاره ګام پورته کول او د شفافیت د بهیر تقویت وو، ترڅو د پوهنتون د تعلیمي او علمي وضعیت ښه کولو ته وده ورکړل شي.
بامیان پوهنتون
نشراتو عمومي مدیریت