په بامیان پوهنتون کې د ۱۴۰۴ کال کانکور ازموینه بریالۍ ترسره شوه .
بامیان – جمعه ۱۴۴۶/۱۲/۳هـ ق
د ۱۴۰۴ هـ ش کال کانکور ازموینه د غبرګولي میاشتې په ۹مه د جمعې په ورځ د بامیان پوهنتون په همکارۍ په بریالۍ توګه پای ته ورسېده.
دغه ازموینه چې د لوړو زده کړو وزارت تر مستقیم نظارت لاندې ترسره شوه د بامیان پوهنتون یې کوربتوب او تخنیکي همکاري وکړه.
د بامیان پوهنتون مسؤلینو د ازموینې له شفافیت منظم جریان او د امنیتي تدابیرو څخه خوښي څرګنده کړه.
د یادونې وړ ده چې د ۱۴۰۴ کال کانکور ازموینه یوازې بامیان ته ځانګړې نه وه بلکې دغه ازموینه به د هېواد په ټولو ولایتونو کې په پرلهپسې ډول واخیستل شي څو ټولو دولسم ټولګیو فارغانو ته د لوړو زده کړو ته د لاسرسي زمینه برابره شي.
د بامیان پوهنتون رهبري له ټولو ادارو، امنیتي ځواکونو، رضاکارانو او ګډونوالو مننه کوي چې ددې ملي بهیر په بریالۍ توګه ترسره کولو کې مرسته وکړه.
بامیان پوهنتون
نشراتو عمومي مدیریت