ځوان ذهنونه، روښانه راتلونکی؛ بامیان پوهنتون د غوره زده کړیالانو قدرداني وکړه!
سه شنبه ۱۴۴۶/۱۲/۲۷هـ ق
په بامیان پوهنتون کې د محصلانو چارو معاونیت په ابتکار د ۱۴۰۳ هـ.ش کال خزاني سمستر د ممتازو زده کړیالانو د ستاینې غونډه د کتابتون په تالار کې ترسره شوه.
دغه غونډه چې د بامیان پوهنتون عمومي رئیس الحاج مفتي حضرت محمد برهاني، مرستیالانو، دپوهنځیو رئیسانو، استادانو او یو شمېر محصلینو په ګډون جوړه شوې وه، د پوهنتون د ځلانده او مخکښو محصلینو درناوی وشو.
د پوهنتون عمومي رئیس ښاغلي برهاني په خپلو خبرو کې د علمي هڅو ارزښت ته په اشارې سره ممتاز محصلین نورو ته یو علمي الګو وبلل او له دوی یې غوښتنه وکړه چې د ټولنې د خدمت په برخه کې هم فعاله ونډه واخلي.
په دې مراسمو کې محمد باسط د محمد صابر زوی د شرعیاتو پوهنځي محصل د پوهنتون د عمومي اول نمره په توګه، جعفر د شیرحسین زوی د همدې پوهنځي څخه د عمومي دوهم نمره او اسماعیل د مولاداد زوی د اقتصاد پوهنځي څخه د عمومي درېیم نمره په توګه معرفي شول.
همدارنګه د دیپارتمنتونو په کچه ممتاز محصلین هم وپیژندل شول او د ستاینلیک او تحفو په ورکړې سره وستایل شول.
یاده غونډه چې د ستاینې او هڅونې فضا درلوده په تحصیلي چاپېریال کې د شایستهسالارۍ د کلتور د ترویج په برخه کې یو اغېزناک ګام ګڼل کېږي.
بامیان پوهنتون
نشراتو عمومي مدیریت