د بامیان پوهنتون علمي او دیني سمینار پای ته ورسېد!
نن پنجشنبه د ۱۴۴۶ هـ ق کال د شعبان ۱۴مه نېټه د لوړو زده کړو وزارت د لایحې مطابق په بامیان پوهنتون کې کوم علمي او دیني درې ورځنی سمینار چې د سه شنبې په ورځ پیل شوی وو په بریالي توګه پای ته ورسېد.
په دغه پروګرام کې چې د پوهنتون د کتابتون په تالار کې په مخ وړل کېده علماي کرامو د پوهنتون رهبري، اداري او کادري پرسونل شتون درلود. د ورځنۍ اجنډا سره سم د مختلفو موضوعګانو لکه د تعصب زیانونه، امانت داري، د اسلامي امارت پالیسي، او د اسلامي نظام اهمیت، په اړه معلومات وړاندې او بحث پرې وشو.
د پروګرام په پای کې د بامیان پوهنتون عمومي رئیس الحاج مفتي حضرت محمد برهاني په دغه سمینار کې د ګډونوالو له شتون څخه مننه وکړه،او په دعائې سره پای ته ورسېد.
بامیان پوهنتون
نشراتو عمومي مدیریت