د بامیان پوهنتون د اداري کارکوونکو لپاره د ښوونیز ورکشاپ پیل!
نن یکشنبه، د ۱۴۴۶ هجري قمري کال د رجب المرجب د میاشتې ۱۱مه نېټه، څلور ورځنی ورکشاپ "د وینډوز اړین او پرمختللي تخنیکونه، په پرینټر کار کول او د انټرنیټ سمه استفاده" تر عنوان لاندې دبامیان پوهنتون د اداري کارکوونکو لپاره په لاره اچول شوی ده.
په پیل کې ددغه پوهنتون عمومي رئیس الحاج مفتي حضرت محمد برهاني وینا وکړه او دا ورکشاپ یې د کارمندانو لپاره مهم وباله.
دغه ښوونیز پروګرام چې د مسلکي پراختیا مرکز آمریت له لوري تنظیم شوی، د ترینر مرتضی اصیل او انجینر احمد سیر حبیبي لخوا تدریس کېږي.
د دې ورکشاپ اصلي موخه دا ده چې ګډونوال خپل ډیجیټلي او مسلکي مهارتونه پیاوړي کړي، ترڅو په کاري چاپېریال کې ښه فعالیت ترسره کړي.
دا ورکشاپ د ګډونوالو لخوا له تود هرکلي سره مخ شوو او د پوهنتون د اداري کارکوونکو د کاري کیفیت په ښه والي کې مثبت اغېز درلودلی دی.
د بامیان پوهنتون
د نشریاتو عمومي مدیریت