د بامیان پوهنتون د رهبرۍ ناسته د څانګو له آمرینو سره تر سره شوه .
نن دوشنبه ۲/۵/۱۴۴۶ هـ ق نیټه د بامیان پوهنتون رهبرۍ ناسته د علمي چارو معاونیت کې د پوهنتون دعمومي رئیس الحاج حضرت محمد برهاني ، علمي چارو مرستیال پوهنمل محمد عثمان څولیزی ، د محصلانو چارو مرستیال پوهنمل عید محمد محمدي او د څانګو آمرینو په ګډون ترسره شوه.
ناسته د قرآن عظیم الشان د څو مبارکو آیتونو په تلاوت سره پیل شوه .
په لومړي قدم کې د بامیان پوهنتون عمومي رئیس الحاج مفتي حضرت محمد برهاني ګډونوالو ته د پوهنتون د نظم او دسپلین په اړه لازمې لارښوونې وکړې اود بشپړې همکارۍ غوښتنه یې وکړه .
دغه راز د پوهنتون د علمي چارو مرستیال پوهنمل محمد عثمان څولیزي د درسي مېتود د لا ښه والي لپاره ګټورې خبرې وکړې .
همدارنګه د محصلانو چارو مرستیال پوهنمل عید محمد محمدي د څانګو د آمرینو نظرونه او غوښتنې واورېدې او په اړه یې اړین تصمیمونه ونیول شول.
په پای کې ناسته د پوهنتون د عمومي رئیس الحاج مفتي حضرت محمد برهاني په دعائیی سره پای ته ورسېده .
بامیان پوهنتون
د نشراتو عمومي مدیریت